ГИ ПОВИКУВАМ МОИТЕ ПРЕДЦИ
(Од необјавената збирка „КУЧЕШКО ВРЕМЕ“ – втор дел: „Кучешко време“)
Ги повикувам моите предци
од изминатите векови
и изминатите милениуми,
хероите и јунаците,
царевите и кралевите,
арамбашите и војводите,
од Македона и Херакла,
Пелагона и Пеона,
Ахила и Астеропаја,
Пелопа и Темена.
Орфеја и Лина,
Карана и Пердика
Аминта и Александра,
Архелаја и Филипа,
Антигона и Персеја,
Птолемеја, Антиоха,
Селевка и Касандра,
и Клеопатра царицата,
Константина и Јустинијана,
Самоила и Делјана,
Волкашина и Марка,
Константина Чавдара
Калеш Димка и Црне Војвода,
Дедо Иљо и Диме Чакрета.
Гоцета, Дамета и Перета
и многу славни јунаца
на македонската земја,
да не ме забораваат
сила да ми дадат
и волјата да ми ја поткрепат
па здружно да го сочуваме
нашиот дух–патеводител
за да го надминеме нечестието и
лицемерието,
овоплотени во ништавилото на кучешкото време.
