ОДА ЗА КУЧИЊАТА

(Од необјавената поетска збирка „Кучешко време“ – десетти дел, „Ода за кучињата“)

Радувајте се, дојде време

на кучешката вера

и надеж до беснило.

Запејте на цел глас,

нека запее Небото,

нека запее Земјата,

нека екне Вселената

во чест на кучињата

и времето кучешко,

за славата кучешка

и убавината нивна,

и интелигенцијата,

и вештината кучешка,

и вонземската големина

во име на подвигот,

херојството на кучињата,

да блесне мигот

на кучешкото крунисување.